कोभिड बढ्यो भन्दै प्रधानमन्त्रीको ध्यानाकर्षण गराउन गएका भट्टराई आफैले माक्स नलगाएको भन्दै आलोचना भएपछि

ताजा खबर



काठमाडौ । कोभिड संक्रमण बढ्यो भन्दै प्रधानमन्त्री शेर वहादुर देउवालाई ध्यानाकर्षण गराउन गएका नेकपा एमालेका सचिव एवम् स्वास्थ्य तथा जनसङ्ख्या विभाग प्रमुख योगेश भट्टराई आफैले माक्स नलगाएको तस्बिर सार्वजनिक भएपछि निकै आलोचना भएको छ । पछिल्लो समय मुलुकमा हजारौं ब्यक्ति संक्रमित भइरहेका छन् । बालुवाटारमा प्रधानमन्त्री देउवालाई भट्टराईको टोली ध्यानाकर्षण पत्र बुझाउन गएको थियो ।

तर भट्टराई नै विना माक्स देखिएका छन् बालुवाटारमा आयोजित कार्यक्रममा मास्क नलगाएको भन्दै आलोचना भएपछि उनले पनि त्यसको जवाफ सामाजिक सञ्जाल मार्फत नै दिएका छन् । । आलोचना बढेपछि भट्टराईले सो घटनाबारे स्पष्टीकरण दिंदै आफुले ध्यानाकर्षण पत्र पढ्दा खोलेको माक्स पछि लगाउन विर्सेको भनेका छन् ।

सरकारलाई कोभिड–१९ को नियन्त्रण तथा रोकथामका लागि ध्यानाकर्षण पत्र बुझाउन एमालेको प्रतिनिधिमण्डल बालुवाटार पुगेको थियो । सो कार्यक्रमको सार्वजनिक भएको तस्बिरमा भट्टराईले मास्क लगाएको देखिँदैन । ‘नाक÷मुखमा लगाउनुपर्ने मास्क खुट्टामा लगाएको’ भन्दै सामाजिक सञ्जालमा भट्टराईमाथि व्यङ्ग्यसमेत गरिएको छ ।

​जवाफमा भट्टराईले सो कार्यक्रममा प्रधानमन्त्रीको सचिवालयले निर्धारण गरेको स्वास्थ्य मापदण्डलाई पूर्ण पालना गरेको जिकिर गरेका छन् । उनले ध्यानाकर्षण पत्र वाचन गर्दा आफूले मास्क खोलेको र पत्र हस्तान्तरण गर्दा भने मास्क लगाउन भुलेको बताएका छन् । उनले लेखेका छन्

आज कोभिड( १९ का सम्बन्धमा नेकपा एमालेका तर्फबाट प्रधानमन्त्रीज्यूलाई ध्यानाकर्षण गराउने कार्यक्रममा हाम्रो प्रतिनिधि मण्डलले प्रधानमन्त्रीको सचिवालयद्वारा निर्धारण गरेको स्वास्थ्य मापदण्डलाई पूर्ण पालना गरेको अनुरोध गर्दछु । ध्यानाकर्षण पत्र वाचनका क्रममा मैले मास्क खोलेको थिए । तत्क्षण पत्र हस्तान्तरण गर्नुपर्दा मास्क लगाउन भुलेको बारेमा सञ्चारमाध्यममा आएको टिप्पणीको स्वागत गर्दछु । विषय र घटनाको सार र रूप पक्षलाई छुट्याएर बुझ्न सबैमा अनुरोध गर्दछु ।





Source link

Leave a Reply

Your email address will not be published.